Cotton Rate : कापूस दरवाढीसाठी थोडी वाट पहावी लागेल

देशातील काही बाजारांमध्ये कापूस दरात (Cotton Rate) आज काहीशी वाढ पाहायला मिळाली.

पण शेतकऱ्यांना अपेक्षित दरपातळी आजही झाली नाही. तर आंतरराष्ट्रीय बाजारात चढ उतार सुरुच आहेत.

पण कापूस दर वाढण्याची शक्यता आहे. देशातील बाजारात पुढील काही दिवसांमध्ये दरवाढ दिसेल.

त्यामुळे शेतकऱ्यांना कापूस दरवाढीसाठी आणखी काही दिवस वाट पाहावी लागेल, असे कापूस बाजारातील अभ्यासकांनी सांगितले.

यंदाही देशातील कापूस उत्पादन घटलं. गेल्या हंगामातील शिल्लक साठाही खूपच कमी आहे.

त्यामुळं पुरवठा साखळीत मर्यादीत कापूस उपलब्ध आहे.
शेतकऱ्यांनीही कापूस रोखून धरला.

तर दुसरीकडं आंतरराष्ट्रीय बाजारात कापसाला मागणी वाढण्याचा अंदाज आहे.

चीनकडून कापसाला मोठी मागणी येऊ शकते.

यामुळं आंतरराष्ट्रीय बाजारात दर वाढतील. याचा आधार देशातील बाजारालाही मिळू शकतो.